Заяўнікамі выступаюць Валерый Драко, Васіль Зелікаў, Андрэй Іваноў, Аляксандр Раманькоў, Генрых Сіманоўскі і Леанід Школьнікаў.
Скрыншот сайта court.gov.by
Летась Мінгарвыканкам не дазволіў правесці шэсце «Бессмяротны полк», якое планавалі прыхільнікі «рускага свету» ў Беларусі. Старшынёй аргкамітэта прапагандысцкай акцыі выступаў тады згаданы цяпер у ліку заяўнікаў позвы ў суд Валерый Драко.
Сёлета прарасійскія актывісты заявілі, што «Бессмяротны полк» будзе праведзены ў рамках афіцыйных святочных мерапрыемстваў «Беларусь памятае». Калона «Бессмяротны полк», як мяркуецца, будзе ісці ў складзе калоны «Шэсце пакаленняў», і такі фармат нібыта нядаўна ўхваліў Лукашэнка на сустрэчы з расійскім паслом у Беларусі Барысам Грызловым. Дэкларуецца, што сярод іншых у шэсцях у Мінску і абласных гарадах возьмуць удзел расійскія дыпламаты.
Шэсце «Бессмяротны полк» праводзіцца ўжо больш за 10 гадоў. Ідэя прайсці па вуліцах з партрэтамі сваякоў-франтавікоў упершыню з'явілася ў Томску ў 2012 годзе, пасля стала папулярнай, і такія шэсці сталі праходзіць па ўсёй Расіі 9 мая.
Спачатку гэтая акцыя была грамадскай ініцыятывай, але з 2015 года расійскія ўлады пачалі актыўна ўдзельнічаць у арганізацыі «Бессмяротнага палка» і зрабілі яго афіцыйным мерапрыемствам. Але ў мінулым годзе яго ў Расіі адмянілі з меркаванняў бяспекі, у гэтым годзе паведамлялася, што яго таксама там не будзе. А вось правесці яго ў Беларусі для мясцовых прарасійскіх сілаў, ды, відаць, і для самога Крамля — справа прынцыпу.
Чытайце таксама:
У Расіі другі год запар адмяняюць шэсце «Несмяротны полк»
